Засьцянак Скрыплеў

Хутар “Засценак Скрыплеў” сёння — гэта адзін гектар зямлі на правым беразе ракі Заходняя Бярэзіна, у 90 км ад сталіцы нашай краіны. Час на дарогу — 1,5 гадзіны. Праз 1,5 гадзіны вы апынецеся ў ціхім куце некранутай прыроды і ў атмасферы хутарскога жыцця.

Хутар — гэта практычная спроба захавання і аднаўлення народных і гістарычных традыцый Беларусі , папулярызацыя актыўнага адпачынку і культурнага стаўлення да прыроды.

На сённяшні час пражыванне ў хаце з камфортам магчыма для невялікіх кампаній да 5 чалавек. Галоўны пакой (зала) — 3 самастойныя спальныя месцы, агульная прастора са сталом і лавамі. Ацяпленне — кахлянка (печ-стаяк), на дровах. Другі пакой — трысцян. 2 спальныя месцы: ложак і печ з ляжанкай. У залі магчыма арганізаваць па аднаму дадатковаму спальнаму месцы на лавах. У каморы — лядоўня з маразільнай камерай. У сенцах — электрычны рукамыйнік з гарачай вадой, газавая пліта на 2 камфоркі.
Вада — з калодзежа. Пасьцелі і посуд у неабходнай колькасці.
Прыбіральня — драўляная, на двары. У хаце ёсць электрычнасць.

Розныя народныя стравы на хутары пачалі гатавацца як аднавілі печ, якая не працавала 15 гадоў. З таго часу госці могуць не толькі замовіць на вечар нешта смачнае, але і прыняць удзел у гатаванні страў і даведацца, як зрабіць якую-небудзь смакату.