Бярэзінскі запаведнік

Бярэзінскі біясферны запаведнік - сапраўды некранутая тэрыторыя. Запаведнік - адзіны ў Рэспубліцы Беларусь, і ён цалкам апраўдвае свой статус. Бо толькі тут, на параўнальна абмежаванай тэрыторыі, у вярхоўях Бярэзіны, засяроджана выключная разнастайнасць жывёльнага і расліннага свету. Бярэзінскі біясферны запаведнік - найстарэйшы сярод ахоўных аб'ектаў, якія складаюць прыродную спадчыну Еўропы. Штогод ён прымае каля 25 тысяч экскурсантаў і турыстаў, прапаноўваючы разнастайныя праграмы знаходжання: ад аднадзённых наведванняў музея прыроды, дэманстрацыйных вальераў з дзікімі жывёламі і экалагічнымі сцежкамі да шматдзённых спецыялізаваных экалагічных тураў з назіраннем за дзікімі жывёламі у натуральным асяроддзі. На выбар турыстам прапануюцца разнастайныя ўмовы размяшчэння.

Рэстаран гасцінічнага комплексу «Плаўна» разлічаны на 40 пасадачных месцаў. Тут можна адзначыць юбілей, правесці сямейную ўрачыстасць або спакойна адпачыць ад хатніх клопатаў. Інтэр'ер аформлены ў нацыянальным стылі. Пасярод залы размяшчаецца камін, які надае рэстарану непаўторны каларыт. У рэстаране вам прапануюць разнастайнае меню беларускай нацыянальнай кухні. Фірмовыя стравы з дзічыны, дароў лесу і азёр задаволяць патрабаванні любога гурмана.