Петухоўшчына

У адным з маляўнічых куткоў Браслаўскіх азёр размясцілася сядзіба «Петухоўшчына». Гэта месца, дзе можна цудоўна адпачыць у цішыні, заняцца звыклымі справамі сельскіх жыхароў: парыбачыць, сабраць грыбы і ягады ў лесе, пазагараць, пакупацца. У возеры Ельня, на беразе якога размясцілася «Петухоўшчына», шмат рыбы, што асабліва прыемна для аматараў рыбалкі.

На маляўнічым беразе возера размясціліся два дамы для гасцей, у кожным з якіх прадугледжаны спальні, санвузлы, душавыя ды кухня.

Дом №1 - двухпавярховы дом з асобнымі ўваходамі на кожны паверх, пасуе для вялікай кампаніі. На першым паверсе умяшчальнасць да 5 чалавек. На другім паверсе - да 9 чалавек.

Дом №2 - тут могуць размесціцца 10 чалавек.

У сядзібе «Петухоўшчына» ёсць цікавыя забавы для ўсіх. Для аматараў актыўнага загараднага адпачынку - пляцоўка для спартыўных гульняў, настольны тэніс, більярд, катанне на лодках і катамаранах. Хто хоча адпачыць у цішыні, можа адправіцца на шпацыр у хваёвы лес, парыбачыць, выкупацца або пазагараць на беразе возера.