Марчукова Хата

Сядзіба “Марчукова хата”, размешчана ў пасёлку Жалудок Шчучынскага раёна, разам з непаўторнай прыродай і цудоўным свежым паветрам, якім немагчыма надыхацца, улюбляе ў сябе з першага погляду. Драўляны дом, які захаваўся з 1914 года, дыхае спакоем і ўтульнасцю.

Гаспадары, стварыўшы ў ім усе сучасныя выгоды, змаглі зрабіць немагчымае. Многія дэталі інтэр'еру захаваліся тут з часоў пабудовы - вокнам, дзвярам, страсе - амаль сто гадоў. Дом літаральна дыхае гісторыяй, ён перажыў нямала, і гаспадары з задавальненнем распавядуць вам пра тое, што адбывалася тут у розныя эпохі. Паслухаць гэты расповед можна ў незвычайным пакоі, размешчаным на другім паверсе дома, дзе гаспадары аднавілі сапраўдную атмасферу мінулага стагоддзя.

На першым паверсе дома для размяшчэння гасцей ёсць пакой адпачынку, спальня і дзіцячая. Невялікая камінная зала - ідэальнае месца для таго, каб пабавіць вечар за гутаркай сябрамі зімовым вечарам, саграваючыся жывым агнём і шкляначкай глінтвейну.

Зусім хатняя, цёплая атмасфера гэтага дома дапаўняецца і цікавым меню, якое прапануе гаспадыня. Акрамя страў нацыянальнай кухні, тут можна пакаштаваць і труса ў віне ці фаршаванага гусака - гэта фірмовыя стравы сядзіба «Марчукова хата».

Сядзібу атачаюць выдатныя маляўнічыя лясы і рэчка. Па жаданні госці змогуць адправіцца на паляванне або рыбалку, а гаспадар дапаможа зрабіць вашу вылазку багатай на здабычу. Вечарам вам падрыхтуюць сапраўдную рускую лазню, жыватворны гарачы пар якой верне бадзёрасць духу і зробіць адпачынак аздараўленчым.