Шчупак фаршыраваны

Склад:

● шчупак,

● цыбуля,

● морква,

● шпік,

● часнок,

● яйкі,

● соль,

● перац мелены,

● маянэз / смятана.

Гатаванне

Рыбу пачысціць ад лускі, прамыць, надрэзаць скуру вакол галавы і асцярожна, каб не парваць, зняць яе цалкам у кірунку ад галавы да хваста. Хрыбет надламіць так, каб хваставы плаўнік застаўся пры знятай скуры. Такім чынам атрымліваюць скуру з хвастом і мякаць рыбы з косткамі і галавой. Пасля гэтага выдаліць галаву, вантробы і аддзяліць мякаць ад рэберных костак і хрыбта.

Для фаршу мякаць рыбы, абсмажаную цыбулю і моркву, шпік, часнок прапусціць праз мясасечку, дадаць яйкі, соль, мелены перац і ўсё старанна змешаць. Знятую з рыбы скуру запаўніць фаршам і надаць вырабу форму цэлай рыбы. Адтуліну, праз якую фаршыравалася рыба, завязаць або зашыць. Фаршыраваную рыбу палажыць на змазаную тлушчам патэльню, заліць маянэзам або смятанай і запекчы ў духоўцы.

Дзе пакаштаваць

Аграсядзіба “Тадосі”Анішчанак Валянціна
+375 (29) 390-36-47
tadosi@tut.by
Гомельская вобл., Петрыкаўскі р-н, а. г. Ляскавічы, вул. Камсамольская, д. 28