Помнік вішні ў Глыбокім

У Беларусі ёсць горад, дзе робяць згушчанае малако з густам вішні - Глыбокае. Асаблівую адметнасць яму надае помнік вішні, вышынёй больш за два метры. Кампазіцыя выканана з сілуміну ў выглядзе цыліндрычнай тумбы, стылізаванай пад дрэва, на якой размешчана галінка вішань з лісцікамі. Аўтарам скульптуры "Глыбоцкая вішня" з'яўляецца Віцебскі скульптар Іван Казак. Яго скульптура вядомая не толькі мясцовым жыхарам, але нават і далёка за межамі горада.

Помнік быў адкрыты на першым фестывалі ў Глыбокім "Вішнёвы фестываль". Гэты фестываль доўжыцца тыдзень. У яго праграме спартыўны конкурс "Вішнёвы марафон", вячоркі клубаў пажылых людзей "Эдэльвейс" і "Сударушка", Дзень кіно "вішнёвыя кінастужкі", пагашэнне паштовай маркі ў гонар свята, інвестфорум і іншыя мерапрыемствы.

Вішня- сімвал жыцця і роднай зямлі. Паводле народнага падання, вішня служыць абярэгам ад зла, дорыць маладосць, прыгажосць, шчасце. Кажуць, калі дакранешся да ягадак вішні, то будзеш шчаслівы, паварушыш яе трапяткія лісцікі - у кішэні з'явяцца грошы. Дзяўчына, каб удала выйсці замуж, павінна абхапіць дрэва і расказаць яму ўсе самыя таемныя сакрэты. Калі хлопец з дзяўчынай, узяўшыся за рукі, тры разы абыходзяць вакол вішні, то ў наступным годзе абавязкова трэба будзе чакаць вяселля.

Падрабязней чытайце тут и тут.