Адрас
Сядзібна-паркавы комплекс “Дукорскі маёнтак” - сучаснае месца адпачынку для ўсёй сям'і, размешчаны ў 30 км ад г. Мінска па трасе Мінск-Гомель, але ў той жа час гэта гістарычна значны аб'ект, дзе захаваліся сапраўдныя помнікі даўніны. Акрамя таго, маёнтак - гэта месца, дзе сабраны і адноўлены традыцыйныя беларускія промыслы і рамёствы. Комплекс пабудаваны на месцы старадаўняй панскай сядзібы. Пры будаўніцтве выкарыстоўваліся чарцяжы, малюнкі і фатаграфіі, якія захаваліся ў архіве.
"Дукорскі маёнтак" прапануе гасцям цэлы спектр самых розных варыянтаў экскурсійнага абслугоўвання ад простых аглядных экскурсій-апавяданняў да поўнафарматных арт-экскурсій, пазнавальна-забаўляльных і спартыўна-забаўляльных праграм.
Шляхецкая кухня нашай зямлі на працягу стагоддзяў славілася па ўсёй Еўропе. Кожная сядзіба захоўвала і перадавала з пакалення ў пакаленне старадаўнія рэцэпты, тым самым захоўваючы і прымнажаючы кулінарную шляхецкую культуру.
Карчма “Дукорскага маёнтка” ставіць сваёй задачай ужо ў агляднай будучыні прапанаваць сваім гасцям па-сапраўднаму багатае, шляхецкае меню, якое задаволіць любы густ, і даць магчымасць паўнавартасна дакрануцца да кулінарных традыцый продкаў.
Што паспрабаваць
Каментары