Жур

Склад:

● аўсяныя шматкі “Геркулес”,

● вада,

● аржаны хлеб,

● кефір (½ шклянкі).

Гатаванне

Запоўніць 3-літровы слоік да паловы геркулесам і даліць даверху астуджанай кіпячонай вадой.

Дадаць кавалак аржанога хлеба або паўшклянкі кефіру і пакінуць на двое сутак для закісання.

Затым працадзіць сумесь, выціснуць шматкі праз марлю, прамыць іх некалькі разоў кіпячонай вадой, зліць усю вадкасць у 5-літровы рондаль. Даць адстаяцца яшчэ 10–12 гадзін. У рондалі ўтворыцца два пласты. Асцярожна зліць верхні, а пакінуты асадак (500–600 мл) паставіць у халадзільнік (можна захоўваць каля тыдня). Некалькі лыжак гэтага канцэнтрату размешаць у 0,5 л халоднай вады і варыць на павольным агні, не перастаючы памешваць. Вараць да кіпення, як кісель. У канцы варэння дадаць соль, масла. Жур можна заправіць смажанай на сале цыбуляй або цукрам з алеем, есці цёплым.

Дзе пакаштаваць

Аграсядзіба “На Зарэчнай вуліцы”

Палікарпук Ала
+375 (29) 793-31-91
dershovo@rambler.ru

Брэсцкая вобл., Кобрынскі р-н, в. Пяскі-1, вул. Зарэчная, д. 8