11 ліпеня мінскі музей марожанага "Белы Полюс" далучыўся да міжнароднага святкавання сусветнага дня шакаладу. Каля сотні гасцей сталі ўдзельнікамі шакаладнага пленэра, на якім стварылі ядомую карціну з шакаладу і навучыліся гатаваць хатняе марожанае.
Аматары дэсертаў прыйшлі ў музей для таго, каб паглядзець, як створаць шакаладную карціну. Такім незвычайным спосабам музей марожанага «Белы Полюс» вырашыў адзначыць Сусветны дзень шакаладу. Свята было афіцыйна зацверджана ў Францыі яшчэ 22 гады таму і з таго часу традыцыя ладзіць шакаладны баль у гэты дзень распаўсюдзілася па ўсім свеце. Мастак-кандытар прама на вачах у наведвальнікаў распісаў шакаладнае палатно памерам метр на метр ядомымі фарбамі, а галоўнай тэмай арт-аб'екта сталі белыя мядзведзі, паўночнае ззянне і снежныя гурбы.
Экспанат у музеі марожанага «Белы Полюс» быў выстаўлены толькі на адзін вечар. Адразу пасля таго, як шакалад застыў, ядомую карціну раскалолі на кавалачкі і раздалі гасцям свята.
Матэрыалы ўзяты з сайта oede.by
Каментары