Язык у вуху

Склад:

● язык свіны,

● вушы свіныя,

● цыбуля,

● морква,

● кроп,

● перац,

● каляндра,

● лаўровы ліст,

● часнок.

Гатаванне

Свіныя язык і вушы заліць вадой, дадаць абабраную цыбуліну (1 шт.), моркву, кроп, перац, каляндру, лаўровы ліст і варыць 1–2 гадзіны на слабым агні.

Дробна пасеч пару галовак часнаку. Дастаць звараныя прадукты з рондаля, язык як бы “загарнуць” у вушы, пераклаўшы часнаком.

Потым загарнуць атрыманыя “скруткі” у цэлафанавы пакет, фальгу або анучку, скласці ў міску, трохі падліць булёну, што быў у рондалі, прыціскнуць прэсам і паставіць у халадзільнік. Пакінуць на ноч –і да раніцы страва гатова!

Дзе пакаштаваць

Аграсядзіба “Свіцязянка”Кітун Ганна
+375 (29) 675-87-80
[email protected]
Гродзенская вобл., Карэліцкі р-н, в. Варонча