Тушаная бульба з мясам ад аграсядзібы “Бацькава хата”

Склад:

● мяса,

● бульба,

● цыбуля,

● морква,

● балгарскі перац,

● таматы,

● раслінны алей,

● спецыі, перац, соль (па гусце).

Гатаванне

Мяса парэзаць папярок валокнаў невялікімі кавалачкамі, адправіць у патэльню з добра разагрэтым раслінным алеем і абсмажыць да румянай скарыначкі.

Нарэзаць кружкамі моркву, цыбулю – паўколамі, перац – тонкай саломкай, таматы – дробнымі кавалачкамі.

Да мяса ў патэльню дадаць спачатку моркву (смажыць 5 хвілін), потым цыбулю (смажыць да залацістага колеру яшчэ 3–4 хвіліны, увесь час памешваючы), потым перац (смажыць 5 хвілін), апошнім –таматы, тушыць усё яшчэ 3–5 хвілін.

Каб прыгатаваць зажарку дадаць у патэльню нарэзаную невялікімі кубікамі або брусочкамі бульбу, паперчыць, пасаліць, заправіць усё спецыямі і зелянінай, абсмажыць 5 хвілін, затым заліць кіпенем і накрыць вечкам. Тушыць на сярэднім агні да гатоўнасці бульбы каля 30–40 хвілін пасля закіпання вады.

Дзе пакаштаваць

Аграсядзіба “Бацькава хата”

Кіскевіч Мікалай

+375 (16) 312- 37-11

+375 (33) 608-96-44

[email protected]

Брэсцкая вобл., Камянецкі р-н, г. Камянец, вул. Горкага, д. 29