Качка на Каляды

Склад:

● качка,

● перац, соль, каляндра, базілік, чабор,

● мёд,

● яблыкі,

● рыс,

● разынкі,

● чарнасліў,

● апельсін.

Гатаванне

Качку ачысціць, замачыць на некалькі гадзін у вадзе. Каб ліквідаваць спецыфічны пах мяса, унутр тушкі можна пакласці палоўку апельсіна.

Затым тушку нацерці перцам і соллю, знутры памазаць мёдам, дадаць каляндру, базілік, чабор. Качку пакінуць марынавацца на 2–4 гадзіны.

Для начынкі пачысціць яблыкі, адварыць рыс, дадаць разынкі, чарнасліў, апельсін – атрымаецца салодкая і смачная начынка, якая вельмі падабаецца дзецям. У якасці альтэрнатыўнага варыянту ўнутр можна пакласці, напрыклад, кіслую капусту з грыбамі – падобная начынка выкарыстоўвалася значна часцей і падыходзіць яна хутчэй для дарослага стала. Нафаршыраваную качку зашыць і паставіць у печ.

Дзе пакаштаваць

Аграсядзіба “Верас”

Макей Міхаіл

+375 (29) 622-33-39

[email protected]

Гродзенская вобл., Зельвінскі р-н, в. Казловічы