Склад:
● філе шчупака (1–1,5 кг),
● свіное сала (200 г),
● цыбуля (4 невялікія галоўкі),
● сярэдняя морква (1 шт.),
● белы хлеб (150 г),
● малако або вада для замочвання батона,
● яйкі (2 шт.),
● соль, цукар, перац, маяран і спецыі (па смаку),
● сметанковае масла і алей для смажання катлет.
Гатаванне
Рыбу добра прамыць, ачысціць ад лускі, адразаць плаўнікі і выдаліць усе вантробы, а таксама белую плёнку, якая праходзіць уздоўж хрыбта рыбы, крывяная маса пад ёй і, якую таксама трэба выдаліць. Адразаць галаву і хвост шчупака. Прамываем рыбу яшчэ раз. Разразаем яе ўздоўж хрыбта, каб было зручна зняць філе. Скуру з рыбы па жаданні можна зняць, а можна і пакінуць. Вызваліць філе шчупака ад буйных костак.
Цыбулю і моркву нарэзаць досыць буйнымі кавалкамі, можна абсмажыць на сланечнікавым алеі. Замачыць белы хлеб у малацэ. Ці ў цёплай кіпячонай вадзе– на смак катлет гэта не ўплывае.
Парэзаць сала або кавалачкі тоўстай свініны. Менавіта гэтыя два кампаненты зробяць катлеты сакавітымі і пышнымі.
Калі ўсе прадукты гатовыя, пракруціць іх праз мясасечку два разы. Да атрыманай масы дадаць маяран і цукар. Соль, перац і спецыі для рыбы дадаць у фарш па смаку, туды ж разбіць 2 яйкі. Адбіць фарш: уздымаць і кідаць у міску раз 15–20. Пакінуць фарш са шчупака “адпачыць” на 15 хвілін.
Для смажання шчупаковых катлет, на прагрэтую патэльню наліць сланечнікавы алей, дадаць сталовую лыжку сметанкавага масла. Фарміраваць невялікія катлеты і смажыць іх на патэльне ў распаленам масле спачатку на моцным агні, нядоўга, каб катлеты ледзь падсмажыліся і іх зручна было перавярнуць. Потым катлеты перавярнуць, зрабіць полымя паменш, накрыць патэльню вечкам, смажыць 3 хвіліны і зрабіць агонь мацней. Як толькі катлеты падсмажыліся з другога боку, зняць іх з патэльні. Укласці на талерку, упрыгожыцьізелянінай і абсмажанай цыбуляй.
Дзе пакаштаваць
Аграсядзіба “Вусце Life”Жарко Юры+375 (29) 632-32-92
[email protected]
Віцебская вобл., Браслаўскі р-н, в. Вусце
Каментары