У Пятровіча

Знаходзіцца сядзіба ў аграгарадку Узмёны, на маляўнічым беразе Заходняй Дзвіны.

Сядзіба мае тры пакоі, гаспадары адрамантавалі вялікую залу на 10 чалавек, у якой можна ладзіць банкеты і карпаратывы. Пабудавалі лазню, альтанку, дзе лёгка размесцяцца пятнаццаць чалавек.

Для тых, хто любіць паходы, ёсць уласны намёт. Для аматараў рыбнай лоўлі — маторная лодка. Свежае паветра, шашлыкі, ранішнія шпацыры — кожны знойдзе сабе занятак на свой густ.

Адпачынак "У Пятровіча" — гэта яшчэ і смачная кухня. Нездарма гаспадары ўдзельнічаюць у праекце Bella Cuisine, накіраваны на папулярызацыю беларускай кухні, і ў навучальных паездках па абмене вопытам. Гаспадыня можа парадаваць гурманаў не толькі цудоўнымі беларускімі стравамі, але і латышскімі прысмакамі, бо сям'я гаспадароў чатыры гады таму пераехала з Латвіі.