Склад:

     малако каровіна (10 л),

     смятана (1–1,5 л),

     расол,

     спецыі.

 

Гатаванне

10 л неразведзенага малака ледзь давесці да кіпення, потым дадаць 1–1,5 л смятаны (залежыць ад згортвальнасці малака, калі не згортваецца – дадаць больш смятаны). Давесці да кіпення, скінуць на друшляк, запраўлены марляй, даць сцячы, потым укласці у форму пад прэс. Пасля разгортваем марлю. Па жаданні сыр можна пакласці ў расол, каб ён атрымаўся саленаватым, таксама можна дадаць розныя спецыі. Пасля даюць сыру астыць у халодным месцы на працягу 2–3 дзён.

Дзе пакаштаваць

Аграсядзіба Экслюзіў

Ерафеева Людміла

+375 (44) 464-65-11

Магілёўская вобл., Слаўгарадскі р-н, в. Гіженка, вул. Кастрычніцкая, д. 9

 

 

Склад:

     казінае малако (3 л),

     прафільтраваны цытрынавы сок (3 цытрыны),

     соль (1,5 ч. л.).

 

Гатаванне

Давесці малако да кіпення ў вялікім антыпрыгарным рондалі. Як толькі малако закіпіць, уліць сок цытрыны і добра размяшаць драўлянай лыжкай. Затым дадаць соль і пакінуць на агні на 5 хвілін. Выключыць агонь і пакінуць рондаль на 10 хвілін, не змешваючы змесціва. У гэты час на паверхню будуць выплываць сырныя сняжынкі, што аддзяліліся ад сыроваткі. Затым узяць іншы рондаль, змясціць на яго друшляк і некалькі слаёў марлі. Адкінуць сыр на друшляк і даць сцячы сыроватцы. Яе мы потым выкарыстоўваем для гатавання сыру рыкота. Сыр, які сабраўся ў марлі, трэба моцна адціснуць, каб маса ў выніку атрымалася досыць сухой. Па жаданні можна дадаць розныя напаўняльнікі, напрыклад, свежазмолаты перац, аліўкі або свежую зеляніну. Па жаданні можна дадаць больш солі, калі вам падабаецца салёны сыр. Гатовую сумесь перакласці ў глыбокую талерку, якая будзе формай для сыру. Добра спрэсаваць лыжкай і пакінуць у халадзільніку на ноч. Раніцай дастаць суцэльны кавалак сыру з талеркі.

Дзе пакаштаваць

Аграсядзіба Буслянка

Якаўчык Іна

+375 (29) 796-12-46

Этот адрес электронной почты защищён от спам-ботов. У вас должен быть включен JavaScript для просмотра.

Брэсцкая вобл., Драгічынскі р-н, в. Селішча, вул. Днепра-Бугская, д. 12А

 

 

 

Склад:

     малако казінае,

     хлорысты кальцый,

     бактэрыяльная закваска,

     малакозгушчальны фермент.

Гатаванне

Казінае малако папярэдне павінна выспець. Малако спее ў адкрытай ёмістасці пры перыядычным памешванні.

Затым малако награюць да 68 °С і астуджаюць да тэмпературы 30–34 °С. У астуджанае малако ўносяць хлорысты кальцый, старанна змешваюць.

У падрыхтаваную да згортвання малочную сумесь тэмпературай 31–35 °С уносяць бактэрыяльныя заквасачныя культуры, змешваюць.

Далей уносяць малакозгушчальны фермент. Малако змешваюць на працягу 5–7 хвілін, а затым пакідаюць да ўтварэння згустку (прыкладна на 40–60 хвілін).

Гатоўнасць згустку ў разрэзы вызначаюць наступным чынам: вострым канцом шпаталя робяць разрэз згустку, затым плоскай часткай шпаталя ўздоўж разрэзу згустку прыўздымаюць яго. Гатовы згустак павінен быць нармальнай шчыльнасці і даваць на расколе вострыя краі з вылучэннем празрыстай сыроваткі.

Затым згустак разразаюць на кубікі памерам 2×2 см, даюць адстаяцца для вылучэння сыроваткі (прыкладна 20 хвілін). Сыроватку зліваюць. Зноў разразаюць згустак на больш дробныя кубікі памерам 1×1 см, даюць адстаяцца, зліваюць сыроватку. Далей разразаюць, каб сырнае зерне мела памер 6–10 мм.

Пасля зерне вымешваюць да дасягнення пэўнай ступені пругкасці (зерне становіцца больш шчыльным, пругкім і круглявым). У працэсе вымешвання частка сыроваткі зліваецца. Перад награваннем трэба дадаць невялікую колькасць вады для прамывання сырнага зерня. Далей ідзе працэс нагрэву да тэмпературы ад 34 °С да 36 °С пры бесперапынным памешванні.

Гатоўнасць сырнага зерня вызначаюць па яго фізічным стане – пругкасці і клейкасці. Пры сцісканні ў руцэ зерне павінна склейвацца ў маналіт, які пры расціранні паміж далонямі распадаецца на асобнае зерне. Сумесі сырнага зерня даюць адстаяцца, зліваюць частку сыроваткі.

Сумесь сырнага зерня з пакінутай сыроваткай раскладаюць у падрыхтаваныя перфараваныя формы. Сыроватка сцякае праз наяўныя адтуліны ў сценках і на дне формаў, а сырнае зерне, раўнамерна размеркаванае, застаецца ў формах для самапрэсавання. Працягласць фармавання (самапрэсавання) сыру складае ад 10 да 20 хвілін.

Па заканчэнні працэсу фармавання (самапрэсавання) сыр падаюць на прэсаванне. Прэсаванне сыру ажыццяўляюць на працягу ~ 1,5–2 гадзін. Спачатку сыр прэсуюць.  Нагрузка на адну галоўку сыру ў 5 разоў перавышае яго масу, а ў апошнія 30 хвілін ~ у 10 разоў. У працэсе прэсавання сыр у формах неабходна рэгулярна пераварочваць. Прэсаваны сыр павінен мець роўную, гладкую, шчыльную паверхню.

Саленне сыру ажыццяўляюць у расоле, які мае тэмпературу 8–12 °С на працягу 1–2 сутак. Канцэнтрацыя паваранай солі ў расоле павінна складаць не менш 18 %.

Пасля салення сыр вытрымліваюць на працягу 1–3 сутак. Абсушваннюць сыр пры тэмпературы 8–12 °С і адноснай вільготнасці паветра 80–95 %.

Пасля абсушвання сыр пакрываюць парафінавым, палімерным або камбінаваным палімерна-парафінавым складам і змяшчаюць да заканчэння працэсу выспявання ў камеру з тэмпературай 11–15 °С і адноснай вільготнасцю 75–90 %. Падчас выспявання сыры неабходна (у мэтах папярэджання дэфармацыі) пераварочваць 1–2 разы. Працягласць выспявання сыру складае не менш за 30 сутак.

Дзе пакаштаваць

Аграсядзіба Лізавецін хутар

Крылоў Дзмітры

+375 (29) 575-99-12
Этот адрес электронной почты защищён от спам-ботов. У вас должен быть включен JavaScript для просмотра.
Мінская вобл., Дзяржынскі р-н, ферма
ДАК

Склад:

       малако казінае (3 л),

       тварог з казінага малака (0,5 кг),

       расол (на 1 л вады 100 г солі),

       кмен.

 

Гатаванне

Працадзіць малако ў рондаль, давесці яго да кіпення. Засыпаць тварог і, памешваючы, варыць на мінімальным агні 20 хвілін. Зняць з агню і даць пастаяць гадзінку. Правараную масу адкінуць у марлю і пасля, калі сцячэ лішняя вадкасць, перакласці Ў міску з расолам на 10-й гадзіне. Можна дадаць кмен. Затым пакласці сыр пад прыгнёт.

Дзе пакаштаваць

Аграсядзіба Аляксандра

Будзіловіч Наталля

+375 (29) 771-00-38

+375 (44) 758-73-18

+375 (17) 169-01-04

Мінская вобл., Дзержынскі р-н, в. Лабоды, д. 9

Склад:

     сыроватка (1,2–1,5 л),

     малако (1 л),

     натуральны ёгурт / кефір (1 шклянка),

     сок 0,5 цытрыны.

Гатаванне

Да сыроваткі дадаць малако (на ваш густ каровінае ці казінае), ёгурт або кефір, змяшаць і паставіць рондаль на агонь. Трэба давесці практычна да закіпання, але не даць закіпець. Калі вадкасць практычна закіпіць (а гэта будзе бачна па лёгкай пенцы на паверхні), дадаць сок паловы цытрыны і змяшаць. Выключыць агонь і пакінуцьі рондаль адпачываць на 10 хвілін. Затым працадзіць вадкасць праз марлю, не вельмі моцна адціскаючы. Астудзіць гатовы сыр на працягу некалькіх гадзін у халадзільніку.

Дзе пакаштаваць

АграсядзібаБуслянка

Якаўчык Іна

+375 (29) 796-12-46

ina Этот адрес электронной почты защищён от спам-ботов. У вас должен быть включен JavaScript для просмотра.

Брэсцкая вобл., Драгічынскі р-н, в. Селішча, вул. Днепра-Бугская, д. 12А