Склад:

     вада,

     індычына,

     цыбуля,

     часнок,

     соль па смаку,

     перац,

     гваздзіка,

     зеляніна,

     лаўровы ліст,

     морква.

 

Гатаванне

 

Ачысціць і добра памыць індычыну (галёнка, крылы). Скласці іх у рондаль і заліць халоднай вадой, каб паверхня вады была вышэй за мяса на 10–12 см.

Палажыць у рондаль цэлыя моркву і цыбулю, а таксама вострыя прыправы і соль.

Варыць на слабым агні 4 гадзіны, здымаючы пену. Калі варыць мяса на моцным агні, булён будзе мутным.

Морква і цыбуля варыць 1–2 гадзіны. Калі морква стане мяккай, вынуць яе і цыбуліну з булёну. Моркву адкласці для ўпрыгожвання.

Калі мяса будзе лёгка адлучацца ад костак, нарэзаць яго невялікімі кавалачкамі або проста разбраць відэльцамі.

Косткі і рэшткі мяса палажыць назад у булён і варыць яшчэ 1 гадзіну. Булён працадзіць (лепш праз 2 пласты марлі). У адну або некалькі формаў палажыць прыгожа нарэзаную моркву і зеляніну, запоўніць мясам. Змесціва формы заліць булёнам на 1 см вышэй за мяса. Паставіць у прахалоднае месца для застывання.

Перад падачай да стала форму апусціць у гарачую ваду амаль да краёў на 1 хвіліну, дастаць форму з вады, накрыць яе сервіравальным блюдам і разам перавярнуць.

Да халадца падаць хрэн, гарчыцу.

 

Дзе пакаштаваць

 

Аграсядзіба Вішанька
Чубса Жанна
+375 (29) 611-70-02
Гомельская вобл., Брагінскі р-н, в. Цельман, вул. Паркавая, д. 25