Склад:

     свіныя галёнкі сярэдняга памеру (2 шт.),

     піва цёмнае,

     соль,

     перац чорны гарошкам,

     лаўровы ліст,

     гваздзіка (3–5 шт.),

     самагонка (50 г).

 

Гатаванне

Свіныя галёнкі заліць сумессю вады і піва (50:50). Піва – абавязкова цёмнае. Заліць па самы верх сагана.

Час у натопленай печы – 4 гадзіны. Паказчык згатаванасці – каб мяса адставала ад косткі на вісу.

Падаваць з кіслай капустай, запраўленай цыбуляй і алеем.

Дзе пакаштаваць

Аграсядзіба Засьцянак Скрыплеў
Грынь Васіль
+375 (29) 631-85-69
Этот адрес электронной почты защищён от спам-ботов. У вас должен быть включен JavaScript для просмотра.
Мінская вобл., Валожынскі р-н, в. Засьцянак Скрыплеў, д. 5

 Склад: 6 шт. бульбы, 4 ст. л. з горкай мукі, 250 гр. свінога фарша, яйка, цыбуліна,  прыправы, соль, перац па смаку.

 Бульбу адварыць у мундзіры, адцадзіць, астудзіць і ачысціць ад лупіння. Дадаць мукі, каб атрымалася густое і клейкае цеста.

Асобна гатуем свіны фарш, як на катлеты. Абавязкова дабаўляем 1 яйка, прыправы і соль, перац па смаку. А таксама цыбулю (дробна пакрышаную). Можна дабавіць часнык.

Любую паверхню пасыпаем мукой, бярэм кавалак цеста і раскатваем яго, каб атрымаўся невялікі круг. У гэты круг кладзём сталовую лыжку фарша і закручваем яго ўсярэдзіну. Абвальваем у муцэ і кладзём на патэльню. Жарым на добра разагрэтым свіным жыры або на алеі да залацістага колеру.

Падача: Страву можна падаваць як гарачай, так і халоднай. Са смятанай і зелянінай.

            Заўвага: рэцэптам падзялілася Калбаска Галіна Уладзіміраўна.

Склад:

     мяса (3 кг),

     сала (0,5 кг),

     часнок (6–7 зубчыкаў),

     соль,

     чорны і духмяны перац,

     гарчыца зернем,

     каляндра.

 

Гатаванне

Гэта рэцэпт прыгатавання каўбасы ў вяндлярні. 3 кг мяса і 0,5 кг сала. Паразаць невялікімі кубікамі. Дадаць у мяса 6–7 зубчыкаў часнаку, дробна пасечанага нажом, соль, чорны перац, духмяны молаты перац, гарчыцу ў зернях, каляндру гарошкам і ўсё старанна змешваць на працягу 10–15 хвілін. Пакінуць мяса на 2–3 гадзіны спець і напітвацца спецыямі. Пасля гэтага змешваць мяса яшчэ 5 хвілін і зрабіць каўбасы кольцамі. Пакінуць каўбасы на 12 гадзін у прахалодным месцы, пасля чаго пачынаем вэндзіць у вяндлярні. Для гэтага каўбасу наважыць на спецыяльныя палкі (дуб), змясіць у вяндлярню, закрыць вяндлярню тканінай і вэндзіць на павольным дыме 8–10 гадзін яблыневымі дровамі з невялікім даданнем ядлаўцовых галінак. Пасля гатавання каўбаса павінна адляжацца 10 гадзін.

Даўней дзядуля змяшчаў такім чынам прыгатаваную каўбасу ў цёмнае прахалоднае месца і на працягу доўгага часу можна было ласавацца каўбаскай. Сардэчна запрашаем у сядзібу на дэгустацыю вэнджанай каўбаскі!

Дзе пакаштаваць

Аграсядзіба Рыбацкая Пульва

Крупта Валянціна

+375 (29) 150-95-55

rpulva@mail.ru

Магілёўская вобл., Быхаўскі р-н, в. Чычэвічы, вул. Набярэжная, д. 77

 

Склад:

     галяшка (1 шт.),

     капуста квашаная (1 кг),

     цыбуля (2 шт.),

     морква (1–2 шт.),

     грэчка (300 г),

     часнок (3–4 зубчыка),

     алей (200 г),

     соль, цукар, спецыi па смаку.

 

Гатаванне

З галяшкi дастаць костку, нарэзаць мяса на кавалкі. Парэзаную цыбулю, моркву i квашаную капусту скласці ў чыгун разам з мясам. Пасалiць, дадаць спецыi, трохі вады, алею i тушыць 1,5–2 гадзiны. Потым дадаць прамытую грэчку i часнок. Гатаваць яшчэ 30–40 хвiлiн.

 

Дзе пакаштаваць

Аграсядзіба Млын

Гальперына Ала

+375 (29) 670-38-59

Этот адрес электронной почты защищён от спам-ботов. У вас должен быть включен JavaScript для просмотра.

Мінская вобл., Стаўбцоўскі р-н, в. Новы Свержань, вул. Нясвіжская, д. 23А 

 Склад:

 

     свіная голень,

     свіная ножка,

     ялавічная голень (500 г),

     тушка пеўня / гусака / качкі (½ шт.),

     цыбуля (2 шт.),

     лаўровы ліст (2–3 шт.),

     часнок,

     чорны перац гарошкам,

     молаты перац, соль.

 

Гатаванне

 

Ножку і галёнку прасмаліць, ачысціць і прамыйць. Ножку разрэзаць уздоўж напалову, галёнку і птушку пасекчы, скласці ў рондаль, заліць халоднай вадой так, каб узровень быў на 2–4 см вышэй за мяса, і паставіць на агонь. Калі пачне закіпаць, зняць пену, дадаць гародніну, спецыі, пасаліць і варыць на вельмі слабым агні, пакуль мяса не стане адлучацца ад костак (3–4 гадзіны). Калі булён адстоіцца, сабраць з яго тлушч. Зліць. Аддзяліць мяса ад костак, вялікія кавалкі парэзаць, пакласці ў кубкі. Заправіць булён здробненым часноком, соллю, перцам па смаку, працадзіць, разліць у кубкі і паставіць у халоднае месца. Да халадца падаць воцат і хрэн.

 

Дзе пакаштаваць

 

Аграсядзіба Паўлінава

Аніпчанка Алена

+375 (29) 726-64-69

+375 (29) 723-63-42

Этот адрес электронной почты защищён от спам-ботов. У вас должен быть включен JavaScript для просмотра.

Брэсцкая вобл., Баранавіцкі р-н, в. Паўлінава, вул. Падлесная, д. 6