Склад:

     лісты лазаньі, не патрабуюць папярэдняй варкі (250 г / 15 шт.),

     морква (50 г),

     цыбуля (60 г),

     салера (50 г),

     свіны фарш (500 г),

     ялавічны фарш (500 г),

     сыр пармезан або любы сыр 45–50 % тлустасці (200 г),

     кансерваваныя памідоры кавалачкамі ва ўласным соку (400 г),

     малако (50 г),

     аліўкавы алей (50 г),

     соль (30 г),

     белае віно (100 г).

 

Гатаванне

Рагу

Дробна нарэзаць цыбулю, салеру і моркву. Дадаць у патэльню аліўкавы алей, разагрэць яго, дадаць гародніну. Смажыць, памешваючы драўлянай лапаткай, на працягу 20 хвілін на павольным агні. Дадаць фарш, падсмажыць усё, пастаянна памешваючы. Заліць белым віном і даць яму выпарыцца. Памешваючы, дадаць памідоры, ваду і варыць усё на павольным агні на працягу 2 гадзін. Калі рагу будзе сухім, дадаць трохі вады, але па заканчэнні 2 гадзін не павінна застацца таматнага соку. Дадаць соль, перац.

Камплектацыя лазаньі

На дно бляхі з высокім бортам памерам 20×30 наліць трохі аліўкавага алею і размяркаваць раўнамерна некалькі лыжак рагу. Пакрыць усё лістамі лазаньі. На лісты пакласці некалькі лыжак рагу і пасыпаць сырам. Чаргаваць інгрэдыенты такім чынам да самага верху. На верхняй частцы павінен быць сыр.

Выпякаць у разагрэтай духоўке на працягу 20 хвілін пры 220 °С, кантралюючы гатовасць лістоў лазаньі пасля 15 хвілін.

 

Дзе пакаштаваць

Аграсядзіба Імперыя

Мацук Ірына

+375 (33) 683-38-84

irina Этот адрес электронной почты защищён от спам-ботов. У вас должен быть включен JavaScript для просмотра.

Брэсцкая вобл., Камянецкі р-н, в. Камянец, вул. Індустрыяльная, д. 7

 

Склад (на 1 порцыю):

     мяса лася (120 г),

     алей (10 г),

     цыбуля (15 г),

     таматнае пюрэ (15 г),

     мука пшанічная (5 г).

 

Гатаванне

Мяса адварыць напалову, нарэзаць яго кавалачкамі па 20–30 г. Абсмажыць, заліць вадой або булёнам і тушыць з дадаткам пасераванага таматнага пюрэ каля 1 гадзіны. На булёне, што застаўся пасля тушэння, прыгатаваць соус: дадаць у яго нашаткаваную, бланшыраваную і пасераваную цыбулю, затым тушыць з мясам яшчэ 15–20 хвілін. Мяса можна падаваць са смятанай.

Дзе пакаштаваць

ГК Плаўна”, ГПУ Бярэзінскі запаведнік
+375 (29) 145-77-78
Этот адрес электронной почты защищён от спам-ботов. У вас должен быть включен JavaScript для просмотра.
Віцебская вобл., Лепельскі р-н, в. Валава Гара

Склад:

     яйкі курыныя,

     мазгі (свіныя або цялячыя),

     цыбуля,

     кроп.

 

Гатаванне

Яйкі зварыць укрутую. Падчас варкі абавязкова пасаліць ваду, каб бялок добра адставаў ад шкарлупіны.

Лук і кроп пасераваць на сметанковым масле, дадаць на патэльню мазгі і, памешваючы, смажыць да гатовасці. На гэта спатрэбіцца 5–7 хвілін.

Яйка разам са шкарлупінай рэзкім ударам вострага нажа прабіць да траціны шырыні, потым мяккім націскам разразаць да канца (спатрэбіцца пэўны спрыт, не факт, што атрымаецца з першага разу). Пасля акуратна дастаць бялок з жаўтком, кубачак са шкарлупіны пакінуць.

Жаўткі з бялкамі расцерці відэльцам. Затым змешаць яйкі з масай, якая ляжала ў патэльні, і акуратна напоўніць ёй шкарлупіны.

Дзе пакаштаваць

Аграсядзіба Свіцязянка
Кітун Ганна
+375 (29) 675-87-80
Этот адрес электронной почты защищён от спам-ботов. У вас должен быть включен JavaScript для просмотра.
Гродзенская вобл., Карэліцкі р-н, в. Варонча

Склад:

 

     п/ф мазгі (1700 г),

     морква (50 г),

     цыбуля (45 г),

     воцат 9 % (2 ст. л.),

     мука (50 г),

     алей (10 г),

     соль (1 ст. л.),

     перац чорны молаты (10 г),

     перац чорны гарошак (10 г),

     ліст лаўровы,

     прыправа хмелі-сунелі (15 г),

     шампіньёны рэзаныя (460 г),

     алей сялянскі (50 г),

     цытрына (100 г),

     кетчуп шашлычны (100 г),

     пятрушка (100 г).

 

Гатаванне

 

Мазгі вытрымліваюць у халоднай вадзе на працягу 2 гадзін, не вымаючы з вады, асцярожна здымаюць з іх плёнку, затым заліваюць халоднай вадой, дадаюць воцат, моркву, цыбулю, пятрушку, даводзяць да кіпення і вараць да гатовасці пры слабым кіпенні (10–15 хвілін). За 5–10 хвілін да канца прыгатавання мазгоў кладуць соль, перац гарошкам і лаўровы ліст.

Адвараныя мазгі астуджваюць, наразаюць на порцыі лустачкамі, пасыпаюць соллю, перцам, паніруюць у муцэ і абсмажваюць да румянай скарыначкі.

Падаюць старву палівая тлушчам, кладуць дзельку цытрыны.

 

Дзе пакаштаваць

 

Аграсядзіба На возеры

Гардон Юры

+375 (29) 781-18-96

Этот адрес электронной почты защищён от спам-ботов. У вас должен быть включен JavaScript для просмотра.

Гродзенская вобл., Гродзенскі р-н, а. г. Азёры, вул. Вільянава, д. 88

Склад:

     свініна (400 г),

     вялікія цыбуліны (2 шт.),

     мука (1 ст. л. з горкай),

     соль, перац па смаку,

     смятана (100 г).

 

Гатаванне

 

Свініну парэзаць на вялікія кубікі таўшчынёй 2–3 см, пасаліць, дадаць спецыі (перац, маяран, гарчыца, базілік і г. д.) і абсмажыць. Цыбулю абсмажыць на раслінным алеі. Як стане празрыстай, пасыпаць мукой, заліць булёнам або вадой. Кіпяціць некалькі хвілін, дадаць смятану, добра змешваць. Апусціць у соус мяса і кілбасу. Тушыць 10–15 хвілін.

Падаць у збанку да бліноў або бульбы.

 

Дзе пакаштаваць

 

Аграсядіба На Зарэчнай вуліцы

Палікарпук Ала 
+375 (29) 793-31-91
Этот адрес электронной почты защищён от спам-ботов. У вас должен быть включен JavaScript для просмотра.

Брэсцкая вобл., Кобрынскі р-н, в. Пяскі-1, вул. Зарэчная, д. 8