Склад:

    аляніна (2 кг),

    часнок,

    соль,

    перац,

    чырвонае сухое віно (300 г),

    журавіны (150 г),

    цукар (1 ст. л.),

    цыбуля сіняя (1 шт.),

    імбір, цынамон – па смаку.

 

Гатаванне

Падрыхтаваць мяса: зубчыкі часнаку пачысціць, нарэзаць і абкачаць у сумесі солі з перцам. У кавалку аляніны зрабіць надрэзы вострым нажом і нашпігаваць часнаком. Мяса добра нацерці соллю і перцам, спецыі па смаку. Пакінуць мяса марынавацца на ноч. Затым загарнуць мяса ў фальгу, адправіць у добра разагрэтую духоўку (да 185 °С, агульны час падрыхтоўкі каля паўтары гадзіны). Прыкладна за паўгадзіны да заканчэння гатавання варта разгарнуць фальгу, каб мяса зарумянілася. Гатоўнасць можна праверыць, зрабіўшы надрэз нажом: калі вылучаецца празрысты сок, то мяса гатова. Падрыхтаваць соус: для гэтага журавіны перацерці з цукрам у блэндары. Дробна парэзаную цыбулю абсмажыць на раслінным алеі, потым дадаць у патэльню віно і журавінавае пюрэ, давесці да кіпення. Можна дадаць цынамон і імбір па смаку.

Аляніну наразаць лустачкамі і падаць да стала, паліўшы журавінавым соусам.

Дзе пакаштаваць

Аграсядзіба Каханая

Маскалёва Галіна

+375 (29) 682-10-51

Этот адрес электронной почты защищён от спам-ботов. У вас должен быть включен JavaScript для просмотра.

Мінская вобл., Мінскі р-н, в. Каханаўшчына, д. 13 

Склад:

     свініна (шыя),

     соль,

     спецыі (праванскія травы, размарын і чабор),

     ківі,

     цукар; 

соус з журавінаў:

     журавіны (100 г),

     невялікая цыбуліна (1 шт.),

     мёд (1 ст. л.),

     цэдра ½ цытрына,

     сметанковае масла (25 г),

     молаты чырвоны перац па смаку,

     дробка солі,

     чырвонае сухое віно (200 мл),

     крухмал (1 ст. л.).

Гатаванне

Мяса неабходна добра прамыць і абсушыць, затым зрабіць невялікія праколы шпажкай, нацерці соллю, пасля гэтага дадаць трохі цукру, насыпаць спецыі, расцерці і паставіць злёгку марынавацца ў халадзільнік гадзіны на 2–3, а яшчэ лепш на ноч. Перад тым як загарнуць мяса ў фальгу або пакет для запякання, неабходна абкласці яго кружочкамі ківі і акуратна загарнуць у фальгу або мяшок. Запякаць трэба 1,5–2 гадзіны ў залежнасці ад колькасці мяса пры тэмпературы 160–180 °С. Затым даць астыць і нарэзаць роўнымі часткамі (коламі) бужаніну.

Для соуса. Цыбуліну дробна парэзаць і абсмажыць. Нацерці цэдру. Дадаць да цыбулі добра вымытыя і высушаныя журавіны, цэдру і сметанковае масла. Змяшаць і пакінуць пад вечкам на маленькім агні на 10–15 хвілін. Дадаць мёд, соль і чырвоны перац. Даць пастаяць яшчэ 5 хвілін і дадаць віно. давесці да кіпення, але не кіпяціць і усыпаць крухмал. Зняць з агню і пакінуць яшчэ на 7–8 хвілін. Затым працерці соус праз сіта і падаваць яго да бужаніны.

Дзе пакаштаваць

Аграсядзіба Фальварак Тызенгаўза

Лейка Аляксей

+375 (33) 325-23-05

Этот адрес электронной почты защищён от спам-ботов. У вас должен быть включен JavaScript для просмотра.

Гродзенская вобл., Гродзенскі р-н, в. Каралін, д. 2А

Склад:

Купаты (хатнія каўбаскі), кавалкі свініны, свіныя рабрынкі ,карэйка, клубні пятрушкі, салера, цыбуля, часнык, зеляніна, сухія грыбы, перац чорны, жменя пшанічнай мукі, смятана.

Гатаванне:

1. Нарэзаць на невялікія кавалачкі свініну, каўбаскі, рассячы на палавінкі рабрынкі.

2. Асобна прыгатаваць грыбны булён з папярэдне замочаных з вечара ў вадзе сухіх баравічкоў.

3. У глыбокай патэльні (з вечкам, яно спатрэбіцца не адразу) на адкрытым агні на кіпячым сале абсмажыць мясапрадукты да гатоўнасці. У апошнія хвіліны, дадаць дробна нашаткаваную цыбулю, салеру, карані пятрушкі, усё здробненае,  каб упрэла.

4. Пасля абсмажвання заліць мясапрадукты  і гародніну невялікай часткай грыбнога булёну, накрыць вечкам і тушыць да гатоўнасці.

5. Абсмажыць муку на асобнай сухой патэльні.

6. Перакласці тушаныя прадукты з патэльні ў каструлю з грыбным булёнам, давесці да кіпення, заправіць абсмажанай мукой, варыць 10 хвілін для таго, каб соус прапітаўся інгрэдыентамі. Дадаць спецыі, соль, перац.

7. Даць выкіпець лішняй вільгаці, каб атрымаўся густы навар.

8. Пасля выключэння агню, дадаць дробна парэзаны часнык або зеляніну. Перамяшаць, накрыць вечкам на 15 хвілін.

Падача: Верашчаку традыцыйна падавалі да бліноў з дражджавога цеста.

Заўвага: рэцэптам падзяліўся творчы калектыў вучняў СШ №2 г.п. Зельва, настаўнік Мазец М.В.

Склад:

          свініна (ногі, вушы, вантробы, сала, мяса),

          свіныя кішкі,

          лаўровы ліст,

          цыбрына,

          перац,

          соль,

          часнок,

          каляндра.

Гатаванне

Усе інгрэдыенты добра прамыць і пакінуць замочвацца на некалькі гадзін. Скласці ў вялікі чыгун, паставіць у печ на 2–3 гадзіны. Падчас варэння рэкамендуецца не саліць, з прыправаў можна дадаць толькі лаўровы ліст, каб захаваць смак вантробаў.

Паралельна падрыхтаваць свіныя кішкі: ачысціць, вымыць і адмачыць у растворы з цытрыны, соллю і перцам.

Звараныя вантробы дробна нарэзаць. Рабіць гэта трэба абавязкова ўручную, толькі ў гэтым выпадку страва будзе мець непаўторны смак.

Пасля таго як інгрэдыенты парэзаны, атрыманую сумесь пасаліць, папярчыць, дадаць здробнены часнок і каляндру і пакінуць на некалькі гадзін, каб яна настаялася. На заключным этапе начыняюць кішкі, а пасля кладуць пад прэс, каб яна такім чынам прыняла неабходную форму.

Дзе пакаштаваць

Аграсядзіба Верас

Макей Міхаіл

+375 (29) 622-33-39

Этот адрес электронной почты защищён от спам-ботов. У вас должен быть включен JavaScript для просмотра.

Гродзенская вобл., Зэльвенскі р-н, в. Казловічы

 Склад:

     бульба (2 кг),

     шыйная частка (300 г),

     цыбуля (250 г),

     алей (2 ст. л.),

     чэрава свіное (30 г),

     соль (10 г),

     перац чорны молаты (1 ст. л.),

     заправа Дэгуста (10 г).

 

Гатаванне

 

Сырую бульбу працерці, дадаць смажаную дробна нарэзаную свініну з цыбуляй, соль, перац, змешаць і напоўніць абалонку.

 

Дзе пакаштаваць

 

Аграсядзіба На возеры

Гордан Юрый

+375 (29) 781-18-96

Этот адрес электронной почты защищён от спам-ботов. У вас должен быть включен JavaScript для просмотра.

Гродзенская вобл., Гродзенскі р-н, а. г. Азёры, вул. Вільянава, д. 88