Склад:

цеста:

     мука (2 шклянкі),

     яйкі (2 шт. і 1 жаўток дадаткова),

     сок цыбулі  (3–4 ст. л.),

     соль;

 

начынне:

     бараніна (філе) (200 г), 

     ялавічына (выразка) (200 г),

     барані лой (ачышчаны ад плевак) або ялавічнага почачнага тлушчу (200 г),

     часнок (5–6 зубкоў),

     маяран або мацярдушка (oregano) (1 ст. л.),

     соль, перац, каляндра смаку,

     цукар (¼ ч. л.),

     густы булён (2–3 ст. л.).

 

Гатаванне

Цеста

Прасеяць муку ў вялікую місу (насыпаць горкай), зрабіць ямку ў цэнтры, уліць сок цыбулі, убіць яйкі і жаўток, старанна вымесіць. Вады не дадаваць. Пакрыць ручніком і паставіць “адпачыць” у прахалодным месцы на 30 хвілін.

 

Начынне

Прапусціць мяса і тлушч праз мясарубку (з дробным сітам). Дадаць цёрты часнок з соллю, спецыі, цукар і булён, як след перамяшаць. Пакласці начынку на кожны кружок з цеста, згарнуць калдуны, старанна зашчыпаць краі. Варыць у добра пасоленай вадзе на малым агні 5–6 хвілін пасля ўсплывання на паверхню. Падаваць з булёнам, у якім варыліся калдуны, або зліць булён і падаваць са смятанай або топленым маслам.

 

Дзе пакаштаваць

 

Аграсядзіба Марцінова Гусь

Белы Алесь

+375 (29) 613-70-85

Этот адрес электронной почты защищён от спам-ботов. У вас должен быть включен JavaScript для просмотра.

Мінская вобл., Валожынскі р-н, в. Малая Люцінка

 Склад:

 

     мука (500 г),

     яйкі (2 шт.),

     цёплае малако (1 шклянка),

     алей (1 ст. л.),

     грыбы (100 г),

     свініна (300 г),

     цыбуля (1 шт.),

     перац,

     соль.

 

Гатаванне

 

Муку прасеяць, высыпаць горкай, у паглыбленне убіць 1 яйка, уліць цёплае малако, алей, дадаць дробку солі і замясіць цеста. Пакінуць на 20 хвілін.

Грыбы адварыць і разам са свінінай прапусціць праз мясасечку. У фарш дадаць дробна парэзаную цыбулю, 1 яйка, перац, соль і добра змяшаць.

Цеста тонка раскачаць, выразаць кубкам кружочкі, у цэнтр кожнага кружочка пакласці фарш і зашчыпаць краі. Гатовыя калдуны апускаць па адным у падсолены вар і варыць 10 хвілін. Падаваць гарачымі са смятанай.

 

Дзе пакаштаваць

 

Аграсядзіба На Зарэчнай вуліцы

Палікарпук Ала
+375 (29) 793-31-91
Этот адрес электронной почты защищён от спам-ботов. У вас должен быть включен JavaScript для просмотра.

Брэсцкая вобл., Кобрынскі р-н, в. Пяскі-1, вул. Зарэчная, д. 8

 

Склад:

     кішка добра прамытая свіная дыяметрам каля 6–7см (1 м),

     бульба (2,5 кг),

     грудзінка (300 г),

     белае сала альбо 3–4 ст. л. свінога тлушчу (150 г),

     цыбуля сярэдняга памеру (2 шт.),

     соль па смаку (раім каля 10 г),

     перац па смаку (раім каля 10 г).

 

Гатаванне

Сцерці сырую бульбу на дробнай тарцы (як на дранікі). Скласці ў міску, адстаяць каля 0,5 гадзіны і зліць жыжку.

Накроіць грудзінку і цыбулю на ўмоўныя кубікі і падобныя ім кавалачкі. Засмажыць грудзінку, як толькі пусціць тлушч, дадаць цыбулю і смажыць разам, пакуль цыбуля дойдзе да залацістага, троху з прыгарачкамі колеру.

Добра змяшаць грудзінку з цыбуляй і нацёртай, ужо адцэжанай бульбай.

Пасаліць, папярчыць, яшчэ раз змяшаць.

Напіхаць атрыманую масу ў кішку. Можна выкарыстаць варонку альбо трубку, праз якую напіхваюць каўбасы, сучасныя электрапрылады або нават адрэзанае горлышка пластыкавай бутэлькі.

Важна кішку не напіхваць шчыльна, бо можа лопнуць!

Потым завязаць з аднаго канца, перакруціць на “кавалкі” кішку з крокам у 15–20см і завязаць з другога канца гэтай жа кішкай.

Духоўку разагрэць да тэмпературы каля 170 °С.

Растапіць белае сала ці тлушч на блясе, у цёплы (не гарачы) тлушч пакласці напіханую кішку. Класці так, каб кольцы кішкі не датыкаліся між сабой і да краю бляхі.

Важна пасля ўкладкі кішкі папрацінаць іголкай ці вострай палачкай (зубачысткай ці запалкай) з крокам у 6–8 см, каб пад час запякання кішка не лопнула і не разлезлася.

Закласці кішку на гадзіну ў духоўку з тэмпературай 170 °С.

Праз гадзіну можна спажываць!

Падаваць са смятанай ці кіслым малаком; з кіслай капустай, змяшанай з накроенымі свежымі ці мочанымі яблыкамі і свежымі ці марынаванымі гуркамі і запраўленай алеем.

Не заміне і чарка добрай хлебнай самагонкі!

 

Гісторыя рэцэпта

Страва першы раз была згатаваная ў 2007 г. паводле парадаў Цэзарыі Жукоўскай (Вішнева, Валожынскі р-н) і Дануты Бразінскай (Шутавіцкія хутары, Валожынскі р-н), з улікам рэцэптаў  польскіх выданняў, прысвечаных кухні Белавежскай пушчы і Беласточчыны.

 

Дзе пакаштаваць

 

Аграсядзіба Засьцянак Скрыплеў

Грынь Васіль

+375 (29) 631-85-69

Этот адрес электронной почты защищён от спам-ботов. У вас должен быть включен JavaScript для просмотра.                                                                                  

Мінская область, Валожынскі р-н, в. Засьцянак Скрыплеў, д. 5

 

   

Склад:

     бульба (2 кг),

     яйка (1 шт.),

     смятана,

     цыбуля,

     мука (1 ст. л.),

     соль,

     лаўровы ліст,

     сала, мяса, грыбы для начынкі.

 

Гатаванне

 

2 кг абабранай бульбы нацерці на дробнай тарцы. Добра адціснуць праз марлю. Адціснутую масу пасаліць, дадаць яйка, 4–5 сталовых лыжак мукі, крухмал з адціснутай бульбы.

Ускіпяціць ½ рондалі вады, дадаць соль, лаўровы ліст. З бульбянога цеста зрабіць круглы ком, размяць на далоні, у сярэдзіну пакласці начынне і завернуць з усіх бакоў. У вар акуратна апусціць злепленыя камы.

Варыць камы 30–40 хвілін, злёгку памешваючы, каб не прыліплі да дна.

З такой колькасці бульбы атрымліваецца 15 сярэдніх камоў.

 

Начынне

Дробнымі кубікамі наразаць сала, мяса, зпасераваць цыбулю, дробна нарэзаць і абсмажыць грыбы. Усё змешаць, пасаліць, дадаць спецыі па смаку (грыбы могуць быць сушаныя). Начыннем таксама можа быць любы фарш.

 

Падаваць са смятанай, скваркамі і цыбуляй.

 

Дзе пакаштаваць

 

Аграсядзіба Кралова хата

Крол Аляксандр

+375 (21) 593-57-10

+375 (29) 392-57-10

+375 (29) 927-55-76

+375 (29) 155-45-85

Этот адрес электронной почты защищён от спам-ботов. У вас должен быть включен JavaScript для просмотра.

Віцебская вобл., Расонскі р-н, в. Заборе, вул. Інтэрнацыянальная, д. 33

 

Склад:

     бульба (10 шт.),

     мука (3–4 ст. л.),

     яйкі (1 шт.),

     соль,

     цыбуля.

 

Гатаванне

Здрабнім абабраную бульбу кухонным камбайнам ці на дробнай тарцы. Атрыманае бульбяное пюрэ адкінуць на марлю або шчыльную тканіну, каб сцёк бульбяны сок. Адціскаць так, каб сфармаваць цеста ў адзінае цэлае. Калі сцэджаны бульбяны сок адстаіцца, крухмал, гэтак жа дадаць да бульбы. У падрыхтаваную бульбу дадаць таксама муку, яйка, соль, крухмал.

Вымешваць. Зфарміраваць маленькія аднолькавыя шарыкі, каб яны зварыліся адначасова. Падрыхтаваныя шарыкі апусціць паштучна, апускаем паступова, каб пазбегнуць зліпання, у рондаль з крыху падсоленай вадой. Вада ўвесь час павінна кіпець. Варыць страву пры умераным кіпенні да гатовасці прыкладна 20 хвілін.

Пакуль клёцкі варацца, трэба начысціць і наразаць цыбулю. Звараныя клёцкі, перакласці ў патэльню, туды ж задаць цыбулю. Усе разам абсмажыць да гатоўнасці цыбулі.

 

Дзе пакашатаваць

 

Аграсядзіба На Зарэчнай вуліцы

Палікарпук Ала
+375 (29) 793-31-91
Этот адрес электронной почты защищён от спам-ботов. У вас должен быть включен JavaScript для просмотра.

Брэсцкая вобл., Кобрынскі р-н, в. Пяскі-1, вул. Зарэчная, д. 8