Склад:

     сушаны на саломе карась (1–2 шт.),

     хатняя сушаная каўбаса (250–300 г),

     салёнае ўнутранае сала (100 г),

     цыбуля (2 шт. сярэдняга памеру),

     бульба (колькі змесціцца ў чыгунок),

     часнок (1 галоўка),

     пучок зеляніны кропу.

 

Гатаванне

 

Бульбу (лепш браць сярэдніх памераў, калі буйная – разрэзаць уздоўж на 4 часткі) абабраць  і памыць. Каўбасу нарэзаць кавалачкамі па колькасці едакоў. Цыбулю пачысціць.

На дно чыгуна выкласці пласт бульбы, затым пакласці рыбу (цэлую), каўбасу, цыбулю і ўнутранае сала. Зверху пакласці астатнюю бульбу і заліць вадой. Паставіць на агонь і варыць да гатоўнасці бульбы. Саліць, пярчыць і дадаваць прыправы не трэба!

Пакуль бульба варыцца, неабходна падрыхтаваць посуд для падачы стравы. Нам спатрэбіцца неадбелены льняны ручнік (або кавалак палатна) і вялікая глыбокая міска для юшкі.

 

Калі бульба зварыцца, булён выліваюць у падрыхтаваную міску, у якую загадзя паклалі дробна нарэзаны часнок і кроп. Пасля таго, як булён злілі, чыгунок з бульбай неабходна адкрытым паставіць на агонь яшчэ на 5 хвілін, каб выпарылася лішняя вільгаць. Потым усё змесціва чыгунка акуратна высыпаеюць на разасланы на стале ручнік.

Есці бульбу прынята рукамі, запіваючы булёнам, які бярэцца лыжкай з агульнай міскі.

 

Гісторыя рэцэпта:

Карані гэтага рэцэпту сыходзяць вельмі далёка ў глыб стагоддзяў. Традыцыйна семі ў вёсках былі вялікія. Працавалі шмат і цяжка і есці адпаведна для гэтага трэба было шмат і сытна. Часу на гатаванне некалькіх страў у гаспадынь не заўсёды хапала. Вось і прыдумалі такую страву – і першае, і другое, і сытна, і часу на гатаванне затрачваецца мала. Да таго ж і сурёзная эканомія такіх дэфіцытных прадуктаў, як каўбаска і рыба. Паасобку і таго і іншага, каб наесціся, трэба многа, а тут – кожнаму па невялікім кавалачку і ўсе сытыя.

Дзе пакаштаваць

Аграсядзіба Купалінка

Цапук Анатоль

+375 (29) 222-23-60

Этот адрес электронной почты защищён от спам-ботов. У вас должен быть включен JavaScript для просмотра.

Брэсцкая вобл., Кобрынскі р-н, в. Кляшчы, вул. Цэнтральная, д. 1