Склад:

рошчына:

     мука жытняя шатраваная (1,5 кг),

     вада (2,5 л.),

     закваска жытняя (5 ст. л.);

 

цеста:

     рошчына,

     мука пшанічная в / г (2 кг),

     соль (2 ст. л.),

     цукар (2 ст. л.).

 

Гатаванне

Для рошчыны у міску заліць цёплай вады, дадаць закваску, змешаць, затым дадаць прасеяную праз сіта жытнюю шатраваную муку, зноў добра змешаць і, накрыць ручніком або харчовай плёнкай, пакінуць у цёплае месца (напрыклад, каля батарэі) на 6–7 гадзін – усё залежыць ад тэмпературы паветра: чым халадней, тым працэс выспявання павольнейшы, і наадварот. Лепш за ўсё рошчыну пакінуць на ноч, каб з раніцы можна было замясіць цеста і спячы хлеб. Нават калі рошчына трохі перастаіць (8 ці 9 гадзін), нічога страшнага ў гэтым няма. Гатоўнасць рошчыны вызначаецца так: яна павінна трохі падняцца і на паверхні павінна быць мноства бурбалак.

У гатовую рошчыну праз сіта дадаць частку пшанічнай мукі, соль, цукар, размешаць, затым дадаць апошнюю частку мукі і старанна вымешаць. Цеста павінна атрымацца тугім, мяккім і пругкім. Пакінуць яшчэ на 1,5–2 гадзіны для ўздыму. Пасля гэтага выкласці цеста ў форму, папярэдне змазаную сланечнікавым алеем. Цеста павінна напаўняць форму напалову, бо яно павінна падняцца ў 2–2,5 разы. У форме паверхню цеста змазаць сланечнікавым алеем і накрыць плёнкай, для таго каб зберагчы ад залішніх скразнякоў і стварэння сухой скарыначкі. На падыход цесту неабходна гадзіна-дзве ў залежнасці ад тэмпературы. Пасля таго як цеста падымецца, плёнка павінна лёгка зняцца не пашкодзіўшы скрыначку нашага бохана. Форму з хлебам паставіць у папярэдне разагрэтаю да 200 °С печ, выпякаць прыкладна 50–60 хвілін. Гатовы хлеб выняць з печы, потым з формы, апырскаць вадой і загарнуць у ручнік. Есці хлеб рэкамендуецца пасля таго, як ён цалкам астыне.

Дзе пакаштаваць

Аграсядзіба Студзінка

Новік Васіль

+375 (29) 208-52-19

Этот адрес электронной почты защищён от спам-ботов. У вас должен быть включен JavaScript для просмотра.

Брэсцкая вобл., Кобрынскі р-н, в. Гірск

Склад:

 

           аўсяныя шматкі,

           цёплая вада (1,5 л),

           дрожджы (20 г),

           соль (2 ст. л.),

           сеяная жытняя мука,

           мука пшанічная 1-га гатунку,

           алей (100 г).

 

Гатаванне

 

Аўсяныя шматкі заліць цёплай вадой 1,5 л у 3–літровым слоіку і пакінуць у цёплым месцы на 3 дні. Атрыманая каламутная закваска, дадае хлебу ферментатыўныя якасці, што карысна для пераварвання любой ежы, якую спажылі з гэтым хлебам. У цёплую закваску на 2 л дадаць 20 г дрожджаў, 2 сталовыя лыжкі солі і насыпаць сеянай жытняй мукі да стану густой смятаны.

Пакінуць у цёплым месцы на 3–4 гадзіны. Замешваць да поўнай гушчыні мукой пшанічнай 1-га гатунку. У канцы замесу дадаць 100 г алею і памясіць яшчэ. Цеста павінна адыходзіць ад рук. Пакінуць на 1 гадзіну ў цяпле. Распаліць печ або нагрэць духоўку, раскласці хлебнае цеста ў невысокія змазаныя формы, для таго каб хлеб у іх падышоў да выпякання ў 1,5 разы.

Выпякаць 60 або 80 хвілін, у залежнасці ад печы і колькасці хлеба.

 

Дзе пакаштаваць

 

Аграсядзіба Палескія традыцыі

Главацкая Ніна

+375 (29) 221-91-55

Этот адрес электронной почты защищён от спам-ботов. У вас должен быть включен JavaScript для просмотра.

Брэсцкая вобл., Кобрынскі р-н, в. Андронава, вул. Цэнтральная, д. 15

 

Склад:

     вада (3 шклянкі),

     соль (2 ч. л.),

     цукар (4 ч. л.),

     воцат 9 % (3 ч. л.),

     алей (4 ст. л.),

     дрожджы (50 г),

     мука (1 кг).

Гатаванне

З інгрэдыентаў замясіць дражджавое цеста і даць яму падысці два разы. У духоўцы выпякаць у любой упадабанай вамі форме.

Дзе пакаштаваць

Аграсядзіба Случ

+375 (29) 195-07-33

Гомельская вобл., Жыткавіцкі р-н, в. Вільча

Склад:

     рошчына (500 г) (можа прадавацца ў сухім выглядзе),

     вада (2 л),

     мука (3,5 л).

 

Гатаванне

Выкласць рошчыну, дадаць вады, шклянку мукі. Усе замешаць, дадаць 5 слоікаў (паўлітровых) мукі. Змяшаць. Пакінуць у цёплае месца, цеста павінна падняцца ў 2 разы. Дадаць 2 слоікі мукі па 0,5 л. Замяшаць і адкласці закваску ў слоік (века павінна быць без дзіркі). Можна дадаць у хлеб семечкі, кунжут і г.д.

Скласці ў форму (падымецца ў цёплым месцы), у печ на працягу 60–75 хвілін.

Дзе пакаштаваць 

Аграсядзіба “Раўнавага”

Мытнік Алег

+375 (29) 164-81-90

Мінская вобл., Валожынскі р-н, в. Малая Дайноўка, д. 42

 

 

Склад:

     пшанічная мука (1 кг),

     вада (0,55 л),

     дрожджы (10 г),

     соль (12 г).

 

Гатаванне

Рошчыну (500 г мукі, 0,35 л вады і 10 г дрожджаў) пакінуць у цёплым месцы на некалькі гадзін. У выбраджаную рошчыну дадаць 500 г мукі, 0,2 л вады з распушчанай соллю. Замешаць цеста, даць яму падысці. Зфарміраваць каравай. На драўляную лапату, падсцілаючы ліст па сезоне (капусны, дубовы і т. п.), зверху пакласці сфармаваны каравай.

Змясціць каравай у загадзя разагрэтую да 220230 °C рускую печ. Пакінуць на лісці на чыстым чаране (без пылу і вугалю). Пячы да гатоўнасці.

Дзе пакаштаваць

Аграсядзіба Свіцязянка
Кітун Ганна
+375 (29) 675-87-80
Этот адрес электронной почты защищён от спам-ботов. У вас должен быть включен JavaScript для просмотра.
Гродзенская вобл., Карэліцкі р-н, в. Варонча