На беразе Вілейскага вадасховішча прайшоў першы фестываль, прысвечаны юшке!

Свята юхі, арганізаванак на беразе Вілейскага вадасховішча упершыню адбылося 12 жніўня. Нягледзячы на 30-градусную спякоту, паток гасцей на галоўную падзею жніўня не спыняўся ўвесь дзень.

Праграма фестывалю была па-сапраўднаму насычанай: конкурс на прыгатаванне лепшай юшкі, прэзентацыя падворкаў і абарона творчых візітовак, конкурс паглынання пельменяў на хуткасць, конкурс русалак, флэшмоб з удзельнікамі скандынаўскай хадзьбы і мноства іншых забаўляльных конкурсаў з публікай.

На працягу дня працавалі гандлёвыя рады, дзіцячыя атракцыёны і аніматары, гульнявыя і спартыўныя пляцоўкі, праходжанне паласы перашкод з трэнерам, наведванне секцыі РАС ДТСААФ, арганізаванай сумесна з клубам «Патрыёт», а таксама выстава вырабаў майстроў ручной працы.

А ўвечары гасцей чакаў сюрпрыз - фаер-шоў і салют!

Інфармацыя ўзятая з сайта kraj.by

 

 

Вось і падведзены вынікі нашага смачнага конкурсу Смак рэгіёну!!! У суботу 12 жніўня дзянёк выдаўся сапраўды спякотны! На кухні аграсядзібы Альхова кіпела гістарычная падзея. У нас у гасцях сабраліся пераможцы конкурсу, каб правесці майстар-клас па прыгатаванні страў беларускай нацыянальнай кухні. Ад усёй душы дзякуем усім удзельнікам конкурсу! А вось і нашы пераможцы: Самы аутэнтычны - Алена Чэбатарёва (Бабуліна мачанка); "Незвычайная назва" - Валянціна Цыганец (Бабуліна смаката); Рэцэпт з гісторыяй - Аляксандр Клімко (Бульі з соусам).

Асаблівая падзяка прафесійнаму складу журы, якому было не проста зрабіць выбар: Навагродскаму Тадэвушу Антонавічу - загадчыку кафедры этналогіі, музеялогіі і гісторыі мастацтваў БДУ; Кліцуновай Валерыі Анатольеўне - старшыні праўлення БГА Адпачынак у вёсцы; Суславай Надзеі - эксперту па экалагічнаму турызму; Чарапок Галіне Іванаўне - дырэктару Ваўкавыскага раённага дома культуры і народнай творчасці.

Усе пераможцы былі ўзнагароджаныя каштоўнымі заслужанымі падарункамі, а таксама былі абраныя ўдзельнікі, чые рэцэпты атрымалі прыз глядацкіх сімпатый і суцяшальныя прызы ад раённай газеты Наш час. Дарэчы, корреспондет Вадзім таксама творча падрыхтаваўся да нашага мерапрыемства і правёў з усімі ўдзельнікамі інтэлектуальны батл на тэму кулінарыі. Ніхто не застаўся без падарункаў!

  

  

Падыходзіць к канцу конкурс старабеларускіх кулінарных рэцэптаў “Смак рэгіёну”, арганізаваны аграсядзібай “Альхова” суместна з газетай “Наш час” і Ваўкавыскім раённым Цэнтрам культуры і народнай творчасці.

Пераможцы конкурсу будуць вызначаны ў катэгорыях “Cамы аўтэнтычны рэцэпт”, “Рэцэпт з гісторыяй”, “Незвычайная назва”. Пераможцаў выбярэ 12 жніўня спецыяльным журы, апасля яны будуць запрошаны ў аграсядзібу “Альхова” на майстар-клас па кулінарным мастацтве і ўручэнне прызоў.

Прызавы фонд конкурсу:

  • Набор сталовай посуду Luminarc (18 прадметаў) - за лепшы рэцэпт у катэгорыі “Самы аўтэнтычны”;
  • Грыль турыстычны (47х40х56 см) - за лепшы рэцэпт у катэгорыі “Рэцэпт в е гісторыяй”;
  • Набор гнуткіх апрацоўчых дошак (3 прадмета) - за лепшы рэцэпт у катэгорыі “Незвычайная назва”;
  • Падпіска на газету “Наш час” - прыз глядацкіх сімпатый.

Самыя лепшыя рэцэпты будуць уключаны ў кулінарную карту Ваўкавыскага раёна.

Арганізацыя конкурса - значная падзея для ўсяго раёна, бо жыхары працавалі разам над сваёй кулінарнай спадчынай. Спадзяемся, што гэты вопыт стане добрым прыкладам кааперацыі і будзе пазычан іншымі раёнамі! Давайце ж адраджаць нашы кулінарныя традыцыі!

Падрабязней пра конкурс можна даведацца тут

12 жніўня пройдзе фестываль агурка ў Шклове!

Гледачы ўбачаць тэатралізаваны паказ, выставу сельскай гаспадарчай прадукцыі, прадугледжана таксама дэгустацыя і продаж свежай гародніны.

Запланаваны і канцэрты: у Шклове выступяць артысты беларускай эстрады ў рамках акцыі Мы разам!, у райцэнтры чакаюць Аляксандра Саладуху, Вікторыю Алешка і іншых зорак - яны будуць спяваць вечарам на гарадскім стадыёне.

 Падрабязней пра фестываль можна даведацца тут.

12-13 жніўня з 11.00 да 21.00 у раёне Палаца спорту можна будзе пакаштаваць папулярныя стравы беларускай нацыянальнай кухні, а хэдлайнерам кірмашу стане духмяны, сытны, гарачы, усімі любімы беларускі дранік !!!

Кафэ і рэстараны сталіцы раскрыюць усе сакрэты прыгатавання стравы, дапоўніўшы хрумсткі бульбяны дранік свежай смятанай, сліўкамі, зелянінай, грыбным соусам, алеем, смажанымі скваркамі, шашлыком, хатнімі каўбаскамі.

Таксама ў рамках кірмашу можна будзе паўдзельнічаць у майстар-класах і дэгустацыях, атрымаць асалоду ад шырокай забаўляльнай праграмай для дарослых і дзяцей. А незалежнае журы з рэстаратараў, спецыялістаў і шэф-кухароў выбярэ самы арыгінальны і смачны дранік кірмашу.

Матерыл належыць сайту Галоўнага ўпраўлення спажывецкага рынку Мінгарвыканкама.