Спадчына

Скульптурная кампазіцыя згушчанага малака ў Рагачове

20.10.2020

У Беларусі знаходзіцца адзіная ў свеце скульптурная кампазіцыя, якая прысвечана згушчанаму малаку! Яна была адкрытая 23 лістапада 2013 года ў гонар святкавання 75-годдзя ААТ «Рагачоўскага малочна-кансервавага камбіната».

Помнік агурку ў Альшанах

19.10.2020

"Я агурочак заліхвацкі, есць мяне ўвесь шар зямны!"- абвяшчае надпіс на ганаровай стужцы Альшанскага агурочка. Знаходзіцца помнік каля кафэ-піцэрыі і банкетнай залі «Альшанскі маёнтак». Ініцыятыву праявілі ўладальнікі ўстановы. Не дзіўна, што другі ў краіне помнік агурку з'явіўся менавіта ў Альшанах - прызнанай агурочнай сталіцы Беларусі.

Крыніца фота: www.media-polesye.by

Помнік бульбе ў Брэсцкай вобласці

19.10.2020

Помнік бульбе ўсталяваны паміж вёскамі Пешкі і Чарнякова ў Бярозаўскім раёне Брэсцкай вобласці. На гэтым полі каля 200 гадоў таму ўпершыню пачалі вырошчваць бульбу. "Бульба на гэтых палях пачала апрацоўвацца як культура мясцовым землеўладальнікам Ігнатам Шэміатам з 1830-х гадоў. Чарнякоў (першы мясцовы гаспадарчы цэнтр) вядомы з 1632 года, быў заснаваны на гэтым месцы як фальварак Львом Сапегам" – такую шыльду можна пабачыць на вялізным валуне ў поле УП "Баркоўскае". Мясцовыя жыхары адразу ахрысцілі новае збудаванне "помнікам бульбе".

Фота ўзята з сайта www.sb.by

Помнік яйку ў Салігорскім раёне

19.10.2020

Што было раней, яйка або курыца? Многія задаюцца гэтым пытаннем. Уладзімір Ламейка – аўтар працы, малады таленавіты мастак з Салігорска знайшоў адказ. «Усё пачынаецца з яйка» - абвяшчае надпіс на помніку.

Помнік яйку. Салігорскі раён, аграгарадок Краснадворцы, насупраць птушкафабрыкі


Абаранкі "смаргонскія"

22.05.2020

Смаргонь калісьці славілася сваімі абаранкамі. Для іх выпечкі рабілі спецыяльныя печы. Абараначніцы пяклі вялікія і маленькія абаранкі, з макам і без яго. Прадаваліся смаргонскія абаранкі не толькі на мясцовых рынках, але і ў Вільні, у Польшчы - на ўсіх прасторах ВКЛ ведалі выдатныя смаргонскія абаранкі. Садзейнічалі рэкламе смаргонскіх абаранкаў і цыганы, які гастралявалі па краінах Еўропы з дрэсіраванымі мядзведзямі.

Грыбны квас (суп)

22.05.2020

Яшчэ адна з амаль страчаных страваў беларуска-літоўскай кухні, некалі шырока распаўсюджаная, — грыбны квас. Гэта не напой, не пітны квас з грыбоў, як сёй-той можа падумаць, а суп — кіслага і вострага смаку, абавязкова з грыбамі, як правіла, посны, але і ў гэтай стравы ёсць (ці, прынамсі, было) шмат розных варыяцый, свой “мікракосмас”, чалавеку сённяшняму шмат у чым ужо малазразумелы.

Збуражскія грачанікі

22.05.2020

Збуражскія грачанікі — бліны з грэчневай мукі, а таксама грачаная бабка — хлеб з гэтай мукі — мясцовая славутасць, амаль ці не галоўны брэнд вёскі Збураж Маларыцкага раёна. Тут бабку і грачанікі пякуць у кожнай другой хаце. Тая гаспадыня лічыцца рупнай і сапраўднай, якая гасцей сустракае бабкай з уласнай печы. Вядома ж, лепшымі пекарамі застаюцца збуражскія пенсіянеркі. Яны навучыліся гэтаму майстэрству ад матуль і бабуль. Цікава, што кожная гаспадыня мае свой адмысловы рэцэпт грачанага хлеба.

Літоўскі сыр

22.05.2020

Папулярнасць літоўскага сыру зафіксаваў у сваім допісе з Вільні ў Санкт-Пецярбургскім тыднёвіку “Край” ад 18 верасня 1888 года Францішак Багушэвіч: "Сёлетняя «Прамыслова-сельскагаспадарчая выстава» знаёміць з 270 экспанатамі, з якіх… малочных прадуктаў 8 (пераважна сыр, так званы літоўскі, які 29 гадоў таму пачала вырабляць у Гарадзеі Брахоцкая)". Калі адлічыць ад 1888 г. 29 гадоў, атрымліваем дату пачатку традыцыі літоўскага сычужнага сыраварства: 1859 год.

Мірскія пернікі

22.05.2020

Гэты духмяны ласунак мае доўгую гісторыю і статус нацыянальнага для многіх еўрапейскіх краін. Займаліся вырабам пернікаў і ў Беларусі — пераважна ў гарадах і мястэчках. Пернікі пяклі ў Воршы, Копысі, Дуброўне, Менску, на кірмашах карысталіся попытам мірскія пернікі ў выглядзе салдацікаў. Для пернікаў выкарыстоўвалі лепшую муку, мёд і, вядома, спэцыі — карыцу, імбір, гваздзіку, лімонную і апельсінавую цэдру. Пасля выпечкі пернікі розных формаў глязуравалі, аздаблялі каляровым крэмам і харчовымі фарбавальнікамі. Часта атрымлівалася такая прыгажосць, якую шкада было есці.

Помнік вішні ў Глыбокім

01.05.2020

У Беларусі ёсць горад, дзе робяць згушчанае малако з густам вішні - Глыбокае. Асаблівую адметнасць яму надае помнік вішні, вышынёй больш за два метры. Кампазіцыя выканана з сілуміну ў выглядзе цыліндрычнай тумбы, стылізаванай пад дрэва, на якой размешчана галінка вішань з лісцікамі. Аўтарам скульптуры "Глыбоцкая вішня" з'яўляецца Віцебскі скульптар Іван Казак. Яго скульптура вядомая не толькі мясцовым жыхарам, але нават і далёка за межамі горада.