Наследие

Аб прывідах

05/22/2020 - 23:16

Ёсць у Беларусі такія месцы, дзе дагэтуль, калі пільна прыслухацца ў цішыні, гучаць галасы даўно памерлых людзей, няўлоўна разносяцца ў паветры забытыя пахі, бурболяць у прывідных гаршках стравы-прывіды. Тыя, якія мы мусілі б захаваць і якімі мусілі б ганарыцца. Смаргонскія абаранкі, грыбны квас ды іншае смакоцце, якое на працягу многіх стагоддзяў не толькі лашчыла языкі і нёбы нашых продкаў, але і абуджала іх калектыўную годнасць, перадавалася з пакалення ў пакаленне, занатоўвалася славутымі пісьменнікамі і мастакамі. У сацыяльных катаклізмах ХХ ст. мы ўсё гэта згубілі.

Абаранкі "смаргонскія"

05/22/2020 - 23:16

Смаргонь калісьці славілася абаранкамі. Для іх выпечкі рабілі спецыяльныя печы, абараначніцы пяклі вялікія і маленькія абаранкі, з макам і без яго. Прадаваліся смаргонскія абаранкі не толькі на мясцовых рынках, а і ў Вільні, у Польшчы. Садзейнічылі рэкламе смаргонскіх абаранкаў і цыганы, якія з дрэсіраванымі мядзведзямі гастралявалі па краінах Еўропы. Стваральнікі экспазіцыі паклапаціліся, каб у пякарні наведвальнік змог убачыць невялікія ручныя жорны, карабы для мукі, дзяжу для цеста, сіта для прасейвання мукі, драўляныя лапаты, пры дапамозе якіх выпякалі хлеб.

Грыбны квас (суп)

05/22/2020 - 23:15

Яшчэ адна з амаль страчаных страваў беларуска-літоўскай кухні, некалі шырока распаўсюджаная, — грыбны квас. Гэта не напой, не пітны квас з грыбоў, як сёй-той можа падумаць, а суп — кіслага і вострага смаку, абавязкова з грыбамі, як правіла, посны, але і ў гэтай стравы ёсць (ці, прынамсі, было) шмат розных варыяцый, свой “мікракосмас”, чалавеку сённяшняму шмат у чым ужо малазразумелы.

Збуражскія грачанікі

05/22/2020 - 23:15

Збуражскія грачанікі — бліны з грэчневай мукі, а таксама грачаная бабка — хлеб з гэтай мукі — мясцовая славутасць, амаль ці не галоўны брэнд вёскі Збураж Маларыцкага раёна. Тут бабку і грачанікі пякуць у кожнай другой хаце. Тая гаспадыня лічыцца рупнай і сапраўднай, якая гасцей сустракае бабкай з уласнай печы. Вядома ж, лепшымі пекарамі застаюцца збуражскія пенсіянеркі. Яны навучыліся гэтаму майстэрству ад матуль і бабуль. Цікава, што кожная гаспадыня мае свой адмысловы рэцэпт грачанага хлеба.

Літоўскі сыр

05/22/2020 - 23:14

Папулярнасць літоўскага сыру зафіксаваў у сваім допісе з Вільні ў санктпецярбургскі тыднёвік “Край” ад 18 верасня 1888 г. Францішак Багушэвіч: Сёлетняя «Прамыслова-сельскагаспадарчая выстава» знаёміць з 270 экспанатамі, з якіх… малочных прадуктаў 8 (пераважна сыр, так званы літоўскі, які 29 гадоў таму пачала вырабляць у Гарадзеі Брахоцкая) . Калі адлічыць ад 1888 г. 29 гадоў, атрымліваем дату пачатку традыцыі літоўскага сычужнага сыраварства: 1859 г. Атрымліваецца, што сёстры Брахоцкія заняліся сыраварствам адразу пасля смерці бацькі ў 1858 г.

Мірскія "пернікі"

05/22/2020 - 23:14

Гэты духмяны ласунак мае доўгую гісторыю і статус нацыянальнага для многіх эўрапейскіх краінаў. Займаліся пернікарствам і ў Беларусі — пераважна ў гарадах і мястэчках. Пернікі пяклі ў Воршы, Копысі, Дуброўне, Менску, на кірмашах карысталіся попытам мірскія пернікі ў выглядзе салдацікаў. На пернікі выдаткоўвалі лепшую муку, мёд і, вядома, спэцы — карыцу, імбір, гвазьдзіку, лімонную і апэльсінавую цэдру. Пасьля выпечкі пернікі розных формаў глязуравалі, аздаблялі каляровым крэмам і харчовымі фарбавальнікамі. Часта атрымлівалася такая прыгажосьць, якую шкада было есьці.

Дзічына

05/22/2020 - 23:11

Куды едзем: Валожынскі раён, веска Белакарэц, вул. Падлесная, Налібоцкая пушча

Дзе: сядзіба "Налібоцкая Васількі"

Звязацца: +375 44 7715979, Васіль Уладзіміравіч Шакун

Кумыс

05/22/2020 - 23:10

Куды едзем: Лагойскі раён, вёска Грамніцы

У Грамніцы ёсць кабылінае малако, якое, кажуць, бліжэй усяго да матчынага. Сцвярджаць не бярэмся, але паспрабаваць раім. З малака тут робяць кумыс. Бяры натуральныя напоі і прасі паказаць табе коней: Грамніцы - адзінае месца ў Беларусі, дзе можна ўбачыць такі вялікі (360 скакуноў) табун у натуральных умовах. Ўсе мясцовыя коні пародзістыя, з радаводу да 5 пакалення. І не ідуць на забой - іх выкарыстоўваюць толькі для малочнай вытворчасці.

Хрэн і асетр

05/22/2020 - 23:10

Куды едзем: Дзяржынскі раён, Путчынскі с / с, вёска Наквасы

Дзе: ферма "Васілёк"

Тут знаходзіцца велізарная, адна з самых вялікіх у Еўропе плантацый хрэна, 240 гектараў. Каб было больш зразумела: гэта каля 60 тысяч стандартных дачных пляцовак у чатыры соткі. І калі нехта ў Беларусі ведае, што такое сапраўдны хрэн, - ты прыехаў па адрасе.

Прадукты з казінага малака

05/22/2020 - 23:09

Куды едзем: Дзяржынскі раён, хутар Лізавецін

Дзе: фермерская гаспадарка "ДАК"

Вельмі шмат коз. Гаспадар фермы Зміцер на працягу 10 гадоў чысціў зямлю і сёння яго ўгоддзі маюць міжнародны сертыфікат якасці - для Беларусі выпадак даволі рэдкі. На ферме вырабляюць натуральнае малако, сыры, тварог і ёгурты. Ёсць нават такі дэлікатэс, як рыкота з казінага малака. Усю прадукцыю можна купіць або асабіста, або ў крамцы ў Дзяржынску. А саміх коз - паціскаць, пагладзіць, а калі асоба трапіцца куслівая - пабегаць.

Белорусское общественное объединение Отдых в деревне
Беларусь, Минск, ул. Дунина-Марцинкевича, 6
E-mail: info@ruralbelarus.by
Веб-сайт: www.ruralbelarus.by
Контактные телефоны
(+375 17) 318-04-65
(+375 17) 319-01-74
(+375 44) 590-19-10
Другие проекты
Greenways.by
Volozhin4all.by

Этот веб-сайт модернизирован и поддерживается при финансовой поддержке Европейского Союза в рамках проекта Nr. ENI-LLB-1-016 «Сохранение и содействие продвижению кулинарного наследия и традиционных ремёсел» (BELLA CULTURE).
Его содержание является исключительной ответственностью Белорусского общественного объединения «Отдых в деревне» и не является отражением официальной позиции Европейского Союза.